يالى انت قاضى وعدلك ماضى فى الحكام
حكم الزمان مر وانا صابر على الاحكام
انا اللى طيش الشباب خد عقلى ولجانى
وطوعت مشى الشيطان ضللنى وسهانى
انا بعت اللى ما يتباعوش ولا يتعوضوش تانى
وانا اللى اشترتهم بعمرى باعونى مجانى
رحت شتكى للهوا هانى واشجانى
حكم عليا الهوا وانا اللى بقيت انا الجانى
ورمانى فى السجن لم زرارنى حد ولا جانى
ودخلت سجن الغرام
والجانى سجانى
سجان بلا قلب
خد من عمرى ما ادانى
انا قلت ليه يا سجان الغرام ترمينى وتنسانى
من بعد ما قولتلى انك بتهوانى
عشتمنى بالحلق
عشتمنى بالحلق
خرمت انا ودانى
لا الحلق جانى ولا كلام الناس كفانى
يا مدعي الكِبر هو الكِبر (علا مين؟؟)
قبلك.. هلك ناس كانوا علما و(علاّمين)
وأقوى منك كتير ياما اتخلق (عالمين)
الكِبر عِلــّة.. ومين عايش بـ(ــعِلــّة مين؟!)
جاهل وناقصك علام والجاهل يـ(ــعلم مين؟!!)
كبرك على الناس.. مرض حساس
والطب موجود لكن حق الدوا (على مين؟؟)
-
الاكسلانس اسمع الاصول من المعلم
ردحذف