على حسب وداد روحي بتعلم م المقادير
وبقول يا ليالي مسير الحي يلاقي الحي
والضلمة تغيب في الضي والحب يداوي جروحي
***
على حسب وداد محبوبي هكتب للزين مكتوبي
وابعته مع طير بيسبح وأرش الندى في دروبي
والغربة حقولها روحي
***
على حسب ودادي حقابلك وعيداني تروح لسنابلك
وحسيب الجرح يعدي وبكل حنان أوهبلك
أوهبلك همسي وبوحي
لملمت خيوط الشمس
عشان اغزلك شال
وعزفت حروف الهمس
وفى اجمل غنوه اتقال
ونديت مسمعتيش
والحال هواه الحال
لململت خيوط الشمس
علمت الصبر الصبر
وسنين العمر تفوت
فى قلبى الشوق والجمر
وبقيت مبحوح الصوت
ونديتك مسمعتيش
ولامتى الرد سكوت
لملمت خيوط الشمس
ياحبيبه ومهرك غالى
ياقمر فى الليل بيلالى
انا نفسى تردى سؤالى
مبقاش وحدانى الصوت
ونديتك مسمعتيش
ولامتى الرد سكوت
والحال هواه الحال
عود ..الفجر لسه بيبتسم بين دمعتين
عود..الفرح ممكن يتقسم على شفتين
عود..الوهم مات والذكريات قالتلى حبك بالوجود
ياريت تعود..ياريت تعود
احنا زمان كنا الزمان
كنا الهوى من غير هوان
كنا الامان من غير حدود
الوهم مات والذكريات قالتلى حبك بالوجود
ياريت تعود..ياريت تعود
عمرى اللى راح سماح سماح
ياحب اكبر من الجراح
رجع عبيرك للورود
الوهم مات والذكريات قالتلى حبك بالوجود
ياريت تعود..ياريت تعود
عود ..الفجر لسه بيبتسم بين دمعتين
عود..الفرح ممكن يتقسم على شفتين
عود..الوهم مات والذكريات قالتلى حبك بالوجود
ياريت تعود..ياريت تعود
ميوزك MP3
