البحر بيضحك ليه؟
وأنا نازلة أتدلع أملا القلل
البحر غضبان ما بيضحكش
أصل الحكاية ما تضحكش
البحر غضبان ما بيضحكش
أصل الحكاية ما تضحكش
البحر جرحه ما بيدبلش
وجرحنا ولا عمره دبل
والبحر بيضحك ليه؟
وأنا نازلة أتدلع أملا القلل
مساكين بنضحك من البلوة
زي الديوك والروح حلوة
مساكين بنضحك من البلوة
زي الديوك والروح حلو
سرقاها من السكين حموة
ولسه جوة القلب أمل
والبحر بيضحك ليه، ليه، ليه؟
وأنا نازلة أتدلع أملا القلل
قللنا فخارها قناوي
بتقول حكاوي وغناوي
قللنا فخارها قناوي
بتقول حكاوي وغناوي
يا قلة الذل أنا ناوي ما أشرب ولو في الميّة عسل
والبحر بيضحك ليه، ليه، ليه؟
وأنا نازلة أتدلع أملا القلل
ياما ملينا وملينا لغيرنا وعطشنا سقينا
ياما ملينا وملينا لغيرنا وعطشنا سقينا
صابريــن وبحر ما يروينا
شايلين بدال العلة علل
والبحر بيضحك ليه، ليه؟
أنا، وأنا نازلة أتدلع أملا القلل
في بالي ياما وعلى بالي
واللي بيعشق ما يبالي
في بالي ياما وعلى، على، على بالي
واللي بيعشق ما يبالي
ما يهمينيش من عزالي
يا حلوة لو مرسالي وصل
والبحر بيضحك ليه؟
وأنا نازلة أتدلع أملا القلل
بيني وبينك سور ورا سور
وأنا لا مارد ولا عصفور
بيني وبينك سور ورا سور
وأنا لا مارد ولا عصفور
بإيدي عود رنان وجسور
بإيدي عود رنان وجسور
وصبحت أنا في العشق مثل
والبحر بيضحك ليه؟
وأنا نازلة أتدلع أملا القلل
بيضحك ليه وأنا نازلة أتدلع أملا القلل
